PEIDEN

PEIDEN raquinta dad in vitg sin ina spunda sulegliva, dentant fitg instabila en Val Lumnezia. Da quai co ch'el è brischà duas giadas e bajegià si duas giadas, co ch'el è glischnà da la spunda giu ed è vegnì bandunà. Ed el raquinta da l'actur Bruno Cathomas, dal qual ses antenats manavan l'hotel da cura a Peiden-Bogn, e pertge ch'el è ussa daventà uschia co ch'el è: admirà sin las tribunas tudestgas per sia represchentaziun senza mesira, temì en la patria, perquai ch'el di senza mastgar ils pleds.

LA ZEIT scriva: «En il toc solo Peiden raquinta Bruno Cathomas da sia giuventetgna e co ch'el ha bandunà il Grischun. Oravant tut èsi in viadi en sia fantasia ch'entusiasmescha il public.»

Mo trais giadas datti la schanza unica da vesair live l'actur che sa preschenta darar en Svizra a partir dals 28 da settember. E quai en in toc solo en tudestg svizzer, en tudestg da scrittira ed en rumantsch.

Tip: Suenter la preschentaziun dals 6 d'october ha lieu in discurs dal public cun Rafael Sanchez ed Ulrich Khuon, l'intendant dal Schauspielhaus da Turitg.

BRUNO CATHOMAS è naschì l'onn 1965 a Laax/Grischun ed ha studegià a l'Academia d'acturs a Turitg. Gia daditg stat el sin las tribunas da teater las pli impurtantas dal spazi da lingua tudestga ed ha gì engaschaments a Berlin, Basilea, Hamburg e Cologna. Dapi curt temp è el commember da l'ensemble dal Burgtheater da Vienna. L'onn 2008 ha Bruno Cathomas retschavì il Premi da film svizzer sco «meglier actur».

L'inscenaziun deriva da RAFAEL SANCHEZ che surpiglia a partir da la stagiun 2025/26, ensemen cun Pınar Karabulut l'intendanza al Schauspielhaus Zürich. Actualmain è el intendant al Schauspiel Cologna. Profitai da l'occasiun d'emprender d'enconuscher gia ussa ina da sias lavurs da reschia!

SO 28-9

Premiera a Turitg

PEIDEN

20.00 – 21.20 PFAUEN

BIGLETS

DU 6-10

SUENTER IL TEATER DISCURS DAL PUBLIC CUN RAFAEL SANCHEZ ED ULRICH KHUON

PEIDEN

16.00 – 17.20 PFAUEN

BIGLETS

DU 3-11

PEIDEN

17.00 – 18.20 PFAUEN

BIGLETS