Occurrenzas culturalas da la CRB
en la diaspora rumantscha.
La CRB sco cunresponsabla per il program accumpagnant al Sechsilüüta 2026
La CRB Cultura Rumantscha en la Bassa sa participescha cun ses FESTIVALET per il Grischun al Sechseläuten – da venderdi, ils 17 fin glindesdi, ils 20 d’avrigl 2026.
Nus essan preschents sin il renumà Lindenhof en la citad veglia da Turitg, ensemen cun Mattiu, la Ländlerkapelle Oberalp, cun il Chor maschadà grischun Turitg, Cinzia, Prättigauer Power ed ulteriuras musicistas e musicists.
Nus ans legrain da beneventar quels che discurran rumantsch ed autras aderentas sin il Lindenhof – ed cunquai en il ravugl dal Sechseläuten 2026.
L'Uniun Cultura Rumantscha en la Bassa fa vinavant!
Suenter ils dus gronds success da la CRB / Cultura Rumantscha en la Bassa cun il concert dals 8 da mars 2015 a Faveras/Pfäfers, organisà ensemen cun l'uniun Rezia Bassa, e surtut cun il FESTIVALET il zercladur 2025 a Turitg han las commembras ed ils commembers da la CRB decidì unaninamain da cuntinuar cun lur activitad.
Il festival rumantsch amez la citad da Turitg
Il FESTIVALET, l'emprim festival da la cultura rumantscha en la citad da Turitg, ha gì lieu venderdi e sonda, ils 20 e 21 da zercladur 2025. Igl è stà in success cumplain. Igl è l'occurrenza la pli gronda che l'Uniun Cultura Rumantscha en la Bassa ha organisà fin uss. Impressiuns ed infurmaziuns chattais Vus sut www.festivalet.ch.
Cordial engraziament anc ina giada a tut las persunas participadas ed a tut ils visitaders e tut las visitadras. Igl è stà in plaschair!
SUSTEGNAIR USSA IL FESTIVALET E CUNQUAI LA CULTURA RUMANTSCHA: