• Temp da guardar enavos sin l’onn passà
Er en il segund onn da nossa existenza avain nus gì grond success. Ils concerts cun Incantanti a Losanna ed a Soloturn restan nunemblidabels. La prelecziun a Berna cun Arnold Spescha e Gianna Olinda Cadonau sco er cun il chor da dunnas Chur Süd ha era plaschì fitg bain.
• Temp da laschar ir ed esser engraziaivel
Nus avain mussà a bleras persunas che nus essan abels da realisar insatge, ed essan vegnids da chattar blers sponsurs generus e sustegnidras, a las qualas nus essan fitg engraziaivels.
• Temp da guardar enavant ed esser opimistic
Nagin avess spetgà che nus pudain gia planisar suenter 2 onns in festival cultural rumantsch da dus dis a Turitg. Il sustegn per noss Fesivalet è fitg grond.
• Temp da guardar cun speranza e plaschair vers il nov onn
Nus avain tut la raschun per far quai! Sper il Festivalet avain nus per l'emprima giada, realisà ensemen cun la «Uniun Rezia Bassa», in grond concert cun trais furmaziuns (Chor Viril Surses, Fränzlis da Tschlin ed il chor d'uffants Stimmwerkbande) a Pfäfers. Uschia vul la CRB mussar che nus essan abels da collavurar cun autras uniuns rumantschas en la diaspora per organisar gronds concerts communabels.
• Temp da vesair il positiv
Cun bler engaschament e voluntad faschain nus tut il pussaivel per dar nov schlantsch a la cultura rumantscha en la diaspora e sperain da chattar bleras persunas che vulan gidar a nus da cuntanscher nossas finamiras.
Nus giavischain da tut cor a tuttas ed a tuts grond plaschair cun la cultura rumantscha er durant il nov onn e che tut Voss giavischs daventian realitad!
CRB Cultura Rumantscha en la Bassa
Comments