Gion Antoni
Ina istorgia da Nadal
«Gion Antoni» è ina istorgia per uffants plain chalur, scritta dad Andrea Ruth Idehen e translatada da l'autur grischun Linard Candreia. Il cudesch cumpara per tudestg, e la revista «Revista» publitgescha ultra da quai l'istorgia en l'idiom rumantsch surmiran.
Per festivar la cumparsa da quest cudesch, As envid jau cordialmain a las suandantas occurrenzas:
-
29 da november: Vernissascha en la Val d'Alvra (a partir da las 16:00)
-
13 da december: Prelecziun publica en il GZ Wollishofen (a partir da las 14:00)
-
16 da december: Prelecziun publica en la biblioteca da Birmensdorf (l'ura suonda)
En cas d'interess per las prelecziuns u per il cudesch pudais Vus contactar Andrea Idehen qua.
Medischina da medis da chasa en las valladas muntagnardas grischunas dal 1850–2026
Co vegniva tractà en las valladas muntagnardas grischunas avant 150 onns – e co è la medischina sa midada dapi lura?
Dr. Martin Tomaschett, dapi passa trais decennis medi da chasa a Trun, raquinta a moda divertenta e chapibla da l'istorgia da la medischina en Surselva – per rumantsch e tudestg ed en dialog direct cun il public.
8 d'october 2026 · Siehbachsaal, Zug
Entschatta a las 19.00 · CHF 60.– incl. aperitiv e tschaina
Ulteriuras infurmaziuns suondan proximamain en quest lieu.
Annunzias èn gia pussaivlas via:
admin@culturaenlabassa.ch
ubain cumprar directamain bigliets sin Eventfrog:
Turnier da troccas Turitg
Sonda, ils 10 d'october 2026, a partir da las 09.30, ha lieu il Turnier da troccas Turitg en il Café Letzistübli a Turitg. L'occurrenza vegn organisada da la Cultura Rumantscha en la Bassa (CRB). Nus ans legrain da vossa participaziun. I dat bels premis da gudagnar.
Ulteriuras infurmaziuns suondan proximamain en quest lieu.
Annunzias èn gia pussaivlas via:
admin@culturaenlabassa.ch
ubain cumprar directamain bigliets sin Eventfrog:
Clom da casting: persunas che discurran rumantsch tschertgadas
Per il film da kino istoric «In onn senza stad» tschertgain nus persunas da tut las vegliadetgnas che discurran rumantsch.
Il film vegn probablamain filmà a partir da la primavaira 2027 sut la reschia da Flurin Giger. Per l'occupaziun èn tut ils idioms rumantschs bainvegnids. Experientscha sco actur u actura n'è betg necessaria.
Spezialmain tschertgads èn uffants e giuvenils per pliras rollas purtantas.
Annunzia
Interessadas ed interessads pon s'annunziar qua:
www.glausundgutcasting.ch/kartei
Dapli infurmaziuns
La publicaziun ed ulteriuras infurmaziuns èn disponiblas en differentas versiuns linguisticas:
• Deutsch
• Rumantsch Grischun
• Sursilvan
• Vallader
Nus ans legrain da mintga recumandaziun vinavant entaifer famiglias, scolas, uniuns, vischnancas e raits.